mi sick an tired a it star. what mi talkin bout? di god damned slack music weh dem keep playing every god almighty place mi go. tell mi sumting, how a taxi man fi a play song like “Romping shop” in a dem vehicle when dem a carry school pickney. a slackness dat star.
first of all di song a give di most graphic an gutteral description of di sex act. nuttin no wrong wid sex, but keep it inna oonu bedroom star. how yu fi expose likkle pickney to dem kinda tings deh. mi not exaggerating. Vibez Kartel an Spice may call it artistic expression but when yu a go talk bout c…ky an p…sy an put it to music yu fi tink twice. oonu gwine reap a piece a judgement in dis country call Jamaica. memba mi seh so.
if we a gwaan so bad yu no tink seh di next generation a go tek it a step further? yes to rahtid. pretty soon yu goin to see some youth havin public orgy an if yu open yu mouth an talk dem a go tell yu which part of yu madda fi go s…k out. congrats you freakin whores on and off di mic. yu fling wi moral standards inna cesspool, problably never to return.
p.s. dance hall don’t keep a hell.
i am convinced dat jamaicans are hypocrites. your honor, exibit A. how cum jamaica is said to be homophobic (hate batty man) but can’t seem to get enough of the roots play character She-Bawda. mi si big man who would a pump shot and threaten anybody if dem even hear di word gay, kin off dem teet when She-bawda dutty wined and said “mi deh pon di border line”.
